Հակասպերմային հակամարմինները (ՀԱԿ) մարդու օրգանիզմի կողմից սպերմայի հակածինների դեմ արտադրվող հակամարմիններ են ( Krause 2017: 109 ): ՀԱԿ-ի առաջացումը պտղաբերության նվազման կամ աուտոիմունային անպտղության պատճառներից մեկն է. ՀԱԿ-ները ազդում են սպերմայի ֆունկցիայի վրա, փոխում են ակրոսոմային ռեակցիայի (ԱՌ) ընթացքը, խաթարում են բեղմնավորման, իմպլանտացիայի և սաղմի զարգացման գործընթացները ( Restrepo 2013 ) և առաջացնում ԴՆԹ-ի մասնատում ( Kirilenko 2017 ): Կենդանիների տարբեր մոդելների վրա կատարված ուսումնասիրությունները ցույց են տվել ՀԱԿ-ների և սաղմի դեգեներացիայի միջև կապը իմպլանտացիայից առաջ կամ հետո ( Krause 2017: 164 ): ՀԱԿ-ների հակաբեղմնավորիչ ազդեցությունն ուսումնասիրվում է մարդկանց համար իմունային հակաբեղմնավորիչ պատվաստանյութի մշակման ընթացքում ( Krause 2017: 251 ), ինչպես նաև վայրի կենդանիների պոպուլյացիաների կրճատման և վերահսկման համար ( Krause 2017: 268 ):

20-րդ դարի կեսերից ի վեր, «գերբնակեցման ճգնաժամի» դրոշի ներքո, աշխարհը ենթարկվում է համաշխարհային քարոզչական արշավի, որի նպատակն է արմատապես նվազեցնել ծնելիության մակարդակը և բնակչության թիվը: Զարգացած երկրների մեծ մասում ծնելիության մակարդակն արդեն զգալիորեն ցածր է փոխարինման մակարդակից, իսկ տարեց մարդկանց թիվը հավասար է կամ նույնիսկ գերազանցում է երեխաների թիվը: Ամուսնությունները գնալով ավելի ու ավելի են ավարտվում ամուսնալուծությամբ և փոխարինվում համատեղ բնակությամբ: Արտաամուսնական կապերը, համասեռամոլությունը և տրանսգենդերային հարցերը դարձել են առաջնահերթություն: Նոր համաշխարհային իրականությունը դարձել է ոչ թե առասպելական «գերբնակեցումը», այլ բնակչության թվի նվազումը :